تونس المغتصبة

تفكرني الأيامات هاذي بأيامات الثورة
يقول القائل كيفاش؟
في طريقة خروج الأخبار, تكون رايض يخرج خبر في بلاصة في ثانية تولي بلاد كل عندها الأحداث

كيما المليشيات يا بو قلب, هوما فدائي صدام في حرب العراق و ماعملوش كيفهم, سمعت بمليشيا في تونس تلقاها بعد درج في تطاوين و توزر و مكثر و بنزرت 

احنا اليوم الحدث هو الأغتصاب بدا من هاك الزويز في اللاك (البحيرة) وتعدى لهاك المرا الحبلة و لهنا فما مدة بيناتهم اما الأيامات من سمعنا حكاية الطفلة اللي اغتصبوها و  القصص و الروايات خرجت كي البطاطا هاو في رادس هاو في سوسة... شيء يأسف و اللي يزيد يأسف أكثر هوا النكبة السياسية اللي عنا اللي راكبة على كل شيء...المشكلة ماهيش في الوزيرة والا الوزير و الا حكومة هاذيكا حسابات سياسية صافيوها بعيد علينا... المشكلة في المجتمع التونسي اللي في بالنا باش تتحسن أخلاقو و معاملاتو ياخي زدنا وخرنا بالتوالي. المجتمع اللي يدخلوا لدارو اللي شراب عادي و نتفرجو فيه السكتشات في التلفزة و اللي الزطلة عادي و اللي يتشد عليها مسكين و مظلوم اللي الزنا عادي و يجيو في التلفزة و يمدوا وجوهم وقال شنوة عندي من نقلك

شيء يوجع القلب و الله يلطف بينا

بريء est الفايسبوك

الفيسبوك لا يتيح لك معرفة من يزور صفحتك 

ولا يتيح لك إضافة 200 صديق أو 2000 بضغطة واحدة 

ولا يتيح لك تغيير لون الفيسبوك 

ولا يتيح لك إعادة شكل الفيسبوك القديم 

ولا يتيح لك وظيفة في قطر أو الكويت 

ولا يتيح لك تذاكر طيران مجانية 

ولا يتيح لك كروت شحن أو رصيد مجاني 

ولكنه يتيح للبعض أن يضحك عليك ويعمل أبليكيشن تخدعك , بإنها ممكن تعمل كده , وفى الأخر حسابك يتسرق , او جهازتك يتفيرس ..

وتبدء تنشر أنت مئات التعليقات والرسائل بنفس المحتويات , فينخدع الاخرين بها أيضاً .. فإحذر أن تخُدع ..

ربي إتوب علينا من ها السياسيين

 الشعب التونسي كل مرة  يتلهى بحاجة يطلعلو الدم  للسما  و بعد  يصبو عليه سطل  بارد ماء 

 الجمعة  هذي  هاو سي بارودي ماحترامش  النشيد  الوطني  و الفيسبوك  خايض  واهالي نابل يتبرؤون من محمود البارودي , يصفوته بالوقح ويطلقون حملة توقيع ضدّه 

    حالة  متعبة  كل مرة يلهون بحاجة و أحنا كيما قطيع  الخرفان  ها الكلمة  تهزنا   ها الكلمة  تجيبنا 

ربي إتوب علينا من ها السياسيين 

نرجعلك لازم نرجعلك

نرجعلك لازم نرجعلك

....كل  منقول معادش  نتبع  السياسة  نلقى  روحي غاطس فيها للعنكوش 

   نقوم  الصباح نلقى النقل معبي كار  و ميترو  وكن حبيت تعمل فيها بورجوازي  و  تاخو تاكسي  وقتها ولد أمو  إللي  يلقاها 

ساعتها  نلعن الشيطان و نلعن بو أم السياسة إللي خالات البلاد  في هالوضع  من قبل و من توا 

 نحل  الراديو و إلا التلفزة  فمش  مانلقى  ميفرهدني  نلقى حتى برامج  الأطفال  تحكي على السياسة

 في الخدمة مافما حديث كن على سياسة و لازم  تلقى  زوز  من ناس يتعاركو

  stress فادينا  و ضربنا  

.هكا  تلقاني كل منقول  نبعد و معادش نتابع  تلقاني نقول... نرجعلك لازم نرجعلك